നടി ആക്രമിക്കപ്പെട്ട കേസിലെ പ്രതി വിജയ് ബാബു കീഴടങ്ങിയില്ലെങ്കിൽ അദ്ദേഹത്തിന്റെ സ്വത്തുക്കൾ കണ്ടുകെട്ടാനുള്ള സാധ്യത പൊലീസ് പരിശോധിക്കുന്നു. ഇതിനായി പൊലീസ് നിയമോപദേശം തേടിയിട്ടുണ്ടെന്നാണ് വിവരം.
വിദേശത്തേക്ക് കടന്ന പ്രതി വിജയ് ബാബു ജോർജിയയിലുണ്ടെന്നാണ് അന്വേഷണ സംഘത്തിന്റെ നിഗമനം. പ്രതികളെ കണ്ടെത്താൻ അർമേനിയയിലെ ഇന്ത്യൻ എംബസിയുടെ സഹായം പോലീസ് തേടിയിട്ടുണ്ട്. ജോർജിയയിൽ ഇന്ത്യക്ക് എംബസി ഇല്ലാത്തതിനാൽ കൊച്ചി സിറ്റി പൊലീസ് വിദേശകാര്യ മന്ത്രാലയം വഴി അയൽരാജ്യമായ അർമേനിയയിലെ എംബസിയുമായി ബന്ധപ്പെട്ടു. മെയ് 24നകം കീഴടങ്ങാൻ വിജയ് ബാബു തയ്യാറായില്ലെങ്കിൽ വിജയ് ബാബുവിന്റെ സ്വത്തുക്കൾ കണ്ടുകെട്ടാനുള്ള നീക്കം ഊർജിതമാക്കാനാണ് പോലീസ് നീക്കം.
അധോലോക സംഘങ്ങളുടെ സഹായം വിജയ് ബാബുവിനു ലഭിച്ചതായും റിപ്പോർട്ടുകളുണ്ടായിരുന്നു. ജോർജിയയിലേക്ക് പ്രവേശിക്കാൻ വിജയ് ബാബുവിനു അവരുടെ സഹായം ലഭിച്ചിരിക്കാമെന്ന് പറയപ്പെടുന്നു. പാസ്പോർട്ട് റദ്ദാക്കി വിജയ് ബാബു അകത്തുകടന്നാൽ അത് റോഡ് മാർഗമാകാം. ബിസിനസ് ടൂറിലായതിനാൽ 24നു മാത്രമേ ഹാജരാകാൻ കഴിഞ്ഞുള്ളൂവെന്ന് വിജയ് ബാബു പറഞ്ഞു. ചൊവ്വാഴ്ചയ്ക്കകം വിജയ് ബാബു ഹാജരായില്ലെങ്കിൽ റെഡ് കോർണർ നോട്ടീസ് പുറപ്പെടുവിക്കുമെന്ന് പൊലീസ് അറിയിച്ചു. കുറ്റവാളികളെ കൈമാറാൻ ധാരണയില്ലാത്ത രാജ്യങ്ങളിൽ ഇത് ബാധകമായിരിക്കുമെന്നും പൊലീസ് അറിയിച്ചു. ഇന്റർപോൾ വഴിയാണ് റെഡ് കോർണർ നോട്ടീസ് പുറപ്പെടുവിക്കുക. ദുബായിൽ നിന്ന് സൗദി അറേബ്യ, ഇറാഖ്, സിറിയ, തുർക്കി എന്നിവിടങ്ങളിലൂടെ റോഡ് മാർഗം 3,000 കിലോമീറ്റർ സഞ്ചരിച്ചാൽ ജോർജ്ജിയൻ അതിർത്തിയിലെത്താം.