ഇൻറർനെറ്റ് ലോകത്ത് ലാളിത്യത്തിൻറെ പര്യായമാണ് രത്തൻ ടാറ്റ. ചെറിയ കാറായ നാനോയിൽ താജ് ഹോട്ടലിൽ എത്തുന്ന രത്തൻ ടാറ്റയുടെ വീഡിയോ പങ്കുവച്ചാണ് ആളുകൾ അദ്ദേഹത്തെ അഭിനന്ദിക്കുന്നത്. അംഗരക്ഷകരുടെ അകമ്പടിയില്ലാതെ ടാറ്റാ നാനോയിൽ ഇരിക്കുന്ന അദ്ദേഹത്തിൻറെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്.
ലോകത്തിലെ ഏറ്റവും വിലകൂടിയ കാർ എപ്പോൾ വേണമെങ്കിലും സ്വന്തമാക്കാൻ കഴിയുന്ന രത്തൻ ടാറ്റയുടെ വരവ് അദ്ദേഹത്തിൻറെ വിനയത്തിൻറെ അടയാളമാണെന്ന് ആളുകൾ പറയുന്നു. മറ്റുള്ളവർ അദ്ദേഹത്തിൽ നിന്ന് പഠിക്കണമെന്നാണ് വീഡിയോയ്ക്ക് താഴെ ആളുകൾ കമൻറ് ചെയ്യുന്നത്.