വിവിധ രാഷ്ട്രീയ പാർട്ടികളുടെ അഭിപ്രായം തേടിയ ശേഷം സംസ്ഥാനത്ത് ജാതി സെൻസസ് നടത്തുമെന്ന് ബീഹാർ മുഖ്യമന്ത്രി നിതീഷ് കുമാർ. പ്രതിപക്ഷ നേതാവ് തേജസ്വി യാദവിൻറെ ആവശ്യമായിരുന്നു ഇത്. ജാതി സെൻസസ് ചർച്ച ചെയ്യാൻ മെയ് 27ന് സർവകക്ഷി യോഗം വിളിക്കുമെന്നും അദ്ദേഹം പറഞ്ഞു.
യോഗത്തിൽ ഉയർന്നുവരുന്ന ആശയങ്ങൾ സമാഹരിച്ച് ഒരു നിർദ്ദേശമായി മന്ത്രിസഭയ്ക്ക് മുന്നിൽ വയ്ക്കും. ഇതുമായി ബന്ധപ്പെട്ട് എല്ലാ കക്ഷികളുമായും ചർച്ചകൾ ആരംഭിച്ചിട്ടുണ്ട്. ചിലർ പ്രതികരിച്ചു. ചിലർ മറുപടി നൽകിയിട്ടില്ലെന്നും മുഖ്യമന്ത്രി മാധ്യമപ്രവർത്തകരോട് പറഞ്ഞു.
അതേസമയം, ജാതി സെൻസസിൻ ബിജെപി അനുകൂലമാണോ എന്ന ചോദ്യത്തിൻ വിവിധ വശങ്ങൾ പരിഗണിച്ച് തീരുമാനമെടുക്കുമെന്ന് ഉപമുഖ്യമന്ത്രിയും ബിജെപി നേതാവുമായ തർകിഷോർ പ്രസാദ് പറഞ്ഞു. അതേസമയം ബിജെപി യോഗത്തിൽ പങ്കെടുത്തേക്കില്ലെന്ന സൂചനയാണ് ഒരു വിഭാഗം നേതാക്കൾ നൽകുന്നത്. എട്ട് മാസം മുമ്പ് നിതീഷ് കുമാറിൻറെ നേതൃത്വത്തിലുള്ള സർവ്വകക്ഷി സംഘം പ്രധാനമന്ത്രി നരേന്ദ്ര മോദിയെ സന്ദർശിച്ച് ജാതി സെൻസസ് ആവശ്യപ്പെട്ടിരുന്നു. പക്ഷേ, കാര്യങ്ങൾ മുന്നോട്ടു പോയില്ല.