കോവിഡ് -19 മഹാമാരിയുടെയും ചൈനയിലെ നിയന്ത്രണങ്ങളുടെയും പശ്ചാത്തലത്തിൽ, ഇന്ത്യയിലുൾപ്പെടെയുള്ള നിർമ്മാണ കേന്ദ്രങ്ങളിൽ പ്രവർത്തനം വർദ്ധിപ്പിക്കാൻ ആപ്പിൾ പദ്ധതിയിടുന്നു. ചൈനയ്ക്ക് ബദലായി ഇന്ത്യയെയും വിയറ്റ്നാമിനെയും ആപ്പിൾ ഇപ്പോൾ പരിഗണിക്കുന്നുവെന്നാണ് റിപ്പോർട്ട്. ഐഫോണുകൾ, ഐപാഡുകൾ, മാക്ബുക്ക് ലാപ്ടോപ്പുകൾ എന്നിവയുൾപ്പെടെ ആപ്പിളിന്റെ 90% ത്തിലധികം ഉൽപ്പന്നങ്ങളും ചൈനയിലാണ് നിർമ്മിക്കുന്നത്. പുതിയ കോവിഡ് -19 തരംഗം നടപ്പ് പാദത്തിൽ 8 ബില്യൺ ഡോളറിന്റെ വിൽപ്പനയെ ബാധിക്കുമെന്ന് ഏപ്രിലിൽ ആപ്പിൾ മുന്നറിയിപ്പ് നൽകിയിരുന്നു. കോവിഡ് -19 വ്യാപനവും ചൈനയിലെ നിയന്ത്രണങ്ങളും കാരണം കഴിഞ്ഞ രണ്ട് വർഷമായി ആപ്പിളിന്റെ എക്സിക്യൂട്ടീവുകളെയും എഞ്ചിനീയർമാരെയും രാജ്യത്തേക്ക് അയയ്ക്കുന്നതിൽ നിന്ന് വിലക്കിയിരുന്നു. പിന്നീട് ഇന്ത്യ വന്നു. കുറഞ്ഞ ഉൽപാദനച്ചെലവ് ഉൾപ്പെടെ പല മേഖലകളിലും ആപ്പിൾ ഇന്ത്യയെയും ചൈനയെയും തുല്യമായി കാണുന്നു. ഇന്ത്യയിൽ ഉൽപാദനം വർദ്ധിപ്പിക്കുന്നത് സംബന്ധിച്ച് ആപ്പിൾ ചില വിതരണക്കാരുമായി ചർച്ച നടത്തുന്നുണ്ടെന്നും റിപ്പോർട്ട് സൂചിപ്പിക്കുന്നു. കഴിഞ്ഞ വർ ഷം ലോകത്തിലെ 3.1 ശതമാനം ഐഫോണുകളും നിർമ്മിച്ചത് ഇന്ത്യയിലാണ്. ഗവേഷണ സ്ഥാപനമായ കൗണ്ടർപോയിൻറ് പറയുന്നതനുസരിച്ച്, ഈ വർഷം ഇത് 6-7 ശതമാനം വർദ്ധിക്കുമെന്ന് പ്രതീക്ഷിക്കുന്നു. ഏറ്റവും പുതിയ തലമുറ ഐഫോണുകളും ഐഫോൺ 13 സീരീസുകളും ഇന്ത്യയിൽ നിർമ്മിക്കാൻ തുടങ്ങിയതായി ഏപ്രിലിൽ ആപ്പിൾ പ്രഖ്യാപിച്ചിരുന്നു.